გარემოს ეროვნული სააგენტოს ინფორმაციით, დასავლეთ საქართველოს უმეტეს რეგიონში დღეს, 24 ივლისს შესაძლოა იწვიმოს.

სინოპტიკოსების ცნობით, ხანმოკლე წვიმა 25 ივლისსაც არის მოსალოდნელი, ჰაერი კი 25-27 გრადუსამდე გათბება.

გარემოს ეროვნული სააგენტოში ვარაუდობენ, რომ  26 ივლისს გამოიდარებს და ტემპერატურა მკვეთრად მოიმატებს.

"27-28 ივლისს უნდა ველოდოთ განსაკუთრებით მაღალ ტემპერატურას. ჰაერის ტემპერატურა 38 გრადუსს მიაღწევს, ხოლო 28 ივლისს აღმოსავლეთის ძლიერი ქარიც იქროლებს",  - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსების ცნობით, მაღალი ტემპერტერატურა დასავლეთ საქართველოში 29 ივლისამდე შენარჩუნდება, ხოლო 30 ივლისიდან 2 აგვისტოს ჩათვლით კვლავ ნალექია მოსალოდნელი და ჰაერის ტემპერატურა 27 გრადუსამდე დაიკლებს.