ხონში არასამთავრობო ორგანიზაცია რეგიონალური ინიციატივების ცენტრმა "ნათელი მომავალი", პარტნიორებთან ერთად, კიდევ ერთი "წიგნიერების აქცია" გამართა.
ღონისძიება ბავშვთა დაცვის საერთაშორისო დღეს მიეძღვნა.

ხონის მუნიციპალიტეტის სოფელ ივანდიდში და სოფელ გოჩა-ჯიხაიშში მცხოვრები სოციალურად დაუცველ 4 მრავალშვილიან ოჯახს საბავშვო ლიტერატურა და ქართული მწერლობის ტომეულები საჩუქრად გადაეცათ. თითოეულ ამ ოჯახში 4 ბავშვი იზრდება.

გარდა წიგნებისა, ბავშვებს სათამაშოები, სასკოლო რვეულები და საკანცელარიო მასალებიც დაურიგდათ.

მათი შეძენა მედიასახლი "პოსტსკრიპტუმის", კორპორაცია "ქინძმარაულის", "თელავის ღვინის მარანისა" და კორპორაცია "ქართული ღვინო"-ს დახმარებით მოხდა.

"ჩვენი მიზანია, გავაძლიეროთ ბავშვების წიგნიერება და ხელი შევუწყოთ, რომ ყველა ბავშვს ჰქონდეს თანამედროვე წიგნებზე ხელმისაწვდომობა," - ეს არის დევიზი ჩვენი სპონსორების, რომლებიც უხლოეს მომავალში ხონში მცხოვრები სოციალურად დაუცველი ოჯახების ბავშვებისთვის ანალოგიურ აქციას კიდევ გეგმავენ," - განმარტავენ რეგიონალური ინიციატივების ცენტრში.