ტაძარში განმარტავენ, რომ ფოტოგამოფენა საქართველოს სამოციქულო
მართლმადიდებელი ეკლესიის ავტოკეფალიის აღდგენის 100 წლისთავს
ეძღვნება და სტალინის სურათი კიდევ მრავალი წელი იქნება იქ
გამოფენილი.
"ვისაც ამ ავტოკეფალიის აღდგენის პროცესში დიდი როლი მიუძღვის, იმ
ადამიანების ფოტოებია გამოფენილი. მათ შორისაა სტალინი, რომელსაც დიდი
წვლილი მიუძღვის იმაში, რომ რუსეთის იმპერიას საქართველოს
მართლმადიდებლური ეკლესიის დამოუკიდებლობა ეცნო. რომ არა ამ კაცის
აქტიური ჩარევა, დღემდე შეიძლება რუსეთის ეკლესიას საქართველოს
ეკლესიასთან დავა ჰქონოდა", - აღნიშნა ბაგრატის ტაძრის მესანთლემ და
დამატებითი ინფორმაციითვის მეუფე კალისტრატესთან გადაგვამისამართა,
რომლის ჩაწერა მისივე თქმით, მიმდინარე წლის 21 მაისს, კვირას,
წირვაზე იქნება შესაძლებელი.
ქუთაის-გაენათის ეპარქიაში პირად საუბარში განგვიმარტეს, რომ სტალინის
სურათი ნაკურთხი არაა და ის მხოლოდ ავტოკეფალიის აღდგენის დღის
აღსანიშნავად გამოიტანეს.
"პირადად ჩემთვის სტალინი მიუღებელი პიროვნებაა, მაგრამ ამ საქმეში
მისი წვლილი დასაფასებელია. ამ ფოტოზე არის ასახული თუ როგორ
ახვედრებს სტალინი ერთმანეთს ორი ქვეყნის ეკლესიის წარმომადგენლებს,
რაც არის ისტორიული ფაქტის ამსახველი ექსპოზიცია", - განმარტა
ეპარქიაში მყოფმა პირმა, რომელმაც ვინაობის საჯაროდ დასახელება არ
ისურვა.
მასალის გამოყენების პირობები