ტყიბულში დაღუპული მეშახტეების ხსოვნას პატივი მიაგო "ლეიბორისტული პარტიის" ლიდერმა. შალვა ნათელაშვილმა მინდელის სახელობის შახტის შესასვლელთან გვირგვინი მიიტანა.
შალვა ნათელაშვილი მოუწოდებს მთავრობას, შეიქმნას ქმედითი შრომის სააგენტო, რომელიც უსაფრთხოების ნორმებს გააკონტოლებს. ის მოითხოვს, რომ  გარდაცვლილ და მუშაობისას დაშავებულ მუშების ოჯახებს ხელფასი კომპენსაციის სახით დაენიშნოთ.

"მმართველმა ოლიგარქმა არამარტო დასაქმების შანსი მოუსპო ხალხს, არამედ ღერა-ღერა შემორჩენილ მუშებს მოუწყო შრომითი გენოციდი. ამ შახტში და მთელი საქართველოს საწამოებში იღუპება იმდენი ადამიანი, რამდენიც კვდება ომებში, ამას ბოლო უნდა მოეღოს.  მინდელის შახტის ეს შესასვვლელი იქცა სიკვდილის კარიბჭედ. მოვითხოვთ შეიქმნას შრომის სახელმწიფო სააგენტო და ყველა დაღუპულის ოჯახმა მთელი ცხოვრება მიიღოს ის ხელფასი, რაც ეკუთვნოდა მიცვალებულს ამ საწარმოდან", - შალვა ნათელაშვილი. 

ტყიბულის შახტში 9 მაისს მომხდარ შემთხვევას 4 ადამიანის სიცოცხლე ემსხვერპლა. საქნახშირი "ჯი აი ჯი-ს" გენერალური დირექტორის განმარტებით, შეთხვევა ბაგირის შეცვლის გეგმიური სარემონტო სამუშოები დროს მოხდა, რა დროსაც ბადია ჩავარდა და ხალხი ჩაიყოლა.

ფაქტზე გამოძიება სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების ნორმების დარღვევას გულისხმოს.


ამავე თემაზე:

ტყიბულში ოთხი მეშახტე გარდაიცვალა

ტყიბულის შახტაში მომხდარ ფაქტზე გამოძიება უსაფრთხოების ნორმების დარღვევის მუხლით მიმდინარეობს

საქნახშირის დირექტორი: "ბადია ჩავარდა და ჩაყვა ხალხი"

ტყიბულის შახტაში დაღუპულების ცხედრები 14 საათიანი ძებნის შედეგად ამოიყავენს

"საქნახშირი ტყიბულის შახტაში დაღუპულთა ოჯახებს ფულადი კომპენსაციით დაეხმარება