ქუთაისის მერიამ "წლის ბიზნესი 2016" ფარგლებში საკრებულოს წევრის, ზაზა ლომინაძის კლინიკა "ლჯ"  წლის საუკეთესო სამედიცინო დაწესებულებად დაასახელა. რისთვისაც ზაზა ლომინაძეს მერიისგან სპეციალური პრიზიც ერგო.

მერიამ "წლის ბიზნესი 2016"-ის ფარგლებში გამარჯვებულები 28 აპრილს დააჯილდოვა. კონკურსში მონაწილე 46 კომპანიიდან თვითმმართველობის რჩეული 15 ორგანიზაცია გახდა.  გამარჯვებულებს შორის იყვნენ ის კომპანიებიც, რომლებმაც იგივე ნომინაციაში პრიზები გასულ წელსაც მიიღეს. მაგალითად, "წლის ბიზნესი 2015"-ის წლის დამსაქმებლის ნომინაცია საზოგადოება "იმერს" მიენიჭა, კომპანიას წელსაც იგივე სტატუსი ერგო.

ნომინაციაში ქალი მეწარმე - შპს"გურმანის"მფლობელი ფატი გრიგოლავა, წლის ბიზნესი 2016-ის  ექსპორტიორი – დავით ჩაფრავა; წლის სამრეწველო კომპანია - შპს "ექსტრა მითი"; წლის ტურისტული კომპანია - ,,ვანდერლენდი" - ეს ის კომპანიებია, რომლებმაც მერიის მიერ დაწესებულ კონკურში, იგივე ნომინაციებში გამარჯვება წინა წელსაც "მოიპოვეს".

ადგილობრივი თვითმმართველობისგან მადლობის სიგელები კონკურსში მონაწილე ყველა კომპანიამ  მიიღო.

ღონისძიება ქუთაისის მერიის ეკონომიკური განვითარების სამსახურის ინიციატივით წელს მეორედ ჩატარდა.