ქუთაისის შემოვლით გზაზე მომხდარი ავტოავარიის შედეგად ხუთი ადამიანი გარდაიცვალა.


შემთხვევა მიმდინარე წლის 23 აპრილს ღამის საათებში მოხდა.

შინაგან საქმეთა სამინისტროს ინფორმაციით, ერთმანეთს სამი ავტომანქანა შეეჯახა. გარდაცვლილთა შორის ერთ-ერთი შვიდი თვის ორსული ქალბატონია.

შს სამინისტროში განმარტავენ, რომ გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.