ახალი ამბები
უწყების ინფორმაციით, ბრალდებულის ვინაობა, რომელმაც სავარაუდოდ მეზობლის ბუნა ხატოველის საცხოვრებელი სახლის მიმართულებით სამჯერ გაისროლა, უკვე დადგენილია.
მომხდარზე საქმე სისხლის სამართლის კოდექსის 236-ე მუხლითაა აღძრული, რაც ცეცხლსასროლი იარაღის მართლსაწინააღმდეგოდ შეძენა-შენახვა-ტარებას გულისხმობს.
პუშკინის ქუჩაზე მომხდარ ინცინდენტს წინ მეზობლებს შორის სიტყვიერი დაპირისპირება უძღოდა, რა დროსაც, ეჭვმიტანილმა, ხატოველებისგან მოითხოვა შეეწყვიტათ 18 წლის წინ მათი სახლის გაქურდვის ფაქტზე აღძრული სისხლის სამართლის საქმე. ბუნა ხატოველი დღემდე დარწმუნებულია, რომ ეჭვმიტანილი მისი ბინის გაქურდვის ერთ-ერთი თანამონაწილეა.
"აღარ უნდა დამანანებოთ თავიო, მითხრა. არ დავანებებ, სანამ, სიმართლე არ დადგინდება", - ამბობს ბუნა ხატოველი.
მისივე თქმით, სიტყვიერი დაპირისპირების შემდეგ ვითარების დაძაბვის თავიდან არიდების მიზნით, იგი ეზოში შევიდა. ცოტა ხანში კი ეჭვმიტანილი საკუთარი სახლისკენ გაიქცა, ცეცხლსასროლი იარაღი გამოიტანა და ხატოველების სახლის მისამართით სამჯერ გაისროლა.
ხატოველების სახლის ჭიშკარს სამივე ტყვიის კვალი ეტყობა.
ბუნა ხატოველის განმარტებით, ინცინდენტის დროს მისი დედა, ნათელა ხატოველი სახლის აივანზე იმყოფებოდა.
"პირდაპირ დამიმიზნა, ჩემი მოკვლა უნდოდა. თან იძახდა, უნდა მოგკლათო. რომ ისროლა, უკან მოვიხედე, ჩემს შვილს ხომ არ მოხვდა ტყვიათქო. ბუნა ამ დროს უკვე პოლიციაში რეკავდა", - იხსენებს ნათელა ხატოველი.
ხატოველები ეჭვმიტანილისგან კვლავ თავდასხმას არ გამორიცხავენ, რის გამოც, თავდაცვის მიზნით იარაღის შეძენას და თავის სახელზე გაფორმებას გეგმავს ნათელა ხატოველი, ბუნა ხატოველს კი სწორედ ამ მიზნით უკვე სამი წელია რეგისტრირებული ცეცხლსასროლი იარაღი აქვს.
პუშკინის ქუჩაზე მცხოვრებლები განმარტავენ, რომ მეზობლებს შორის დავა 1999 წლიდან დღემდე გრძელდება. 2017 წლის 17 აპრილს მომხდარ ინცინდენტს კი მათ შორის სიტყვიერი დაპირისპირება უძღოდა.
ქუთაისში მეზობლის სახლის მიმართულებით ცეცხლის გახსნაში ბრალდებულს შსს ეძებს
13:12 / 18.04.2017
ქუთაისში, პუშკინის ქუჩაზე, მიმდინარე წლის 17 აპრილს, მეზობლებს
შორის მომხდარ ინცინდენტში ეჭვმიტანილის დასაკავებლად შინაგან საქმეთა
სამინისტრო სამძებრო ღონისძიებებს აწარმოებს.
უწყების ინფორმაციით, ბრალდებულის ვინაობა, რომელმაც სავარაუდოდ მეზობლის ბუნა ხატოველის საცხოვრებელი სახლის მიმართულებით სამჯერ გაისროლა, უკვე დადგენილია.
"ცხელ კვალზე დადგენილია ბრალდებულის ვინაობა და მის დასაკავებლად
მიმდინარეობს ინტენსიური საგამოძიებო მოქმედებები", - აცხადებენ
სამინისტროში.
მომხდარზე საქმე სისხლის სამართლის კოდექსის 236-ე მუხლითაა აღძრული, რაც ცეცხლსასროლი იარაღის მართლსაწინააღმდეგოდ შეძენა-შენახვა-ტარებას გულისხმობს.
პუშკინის ქუჩაზე მომხდარ ინცინდენტს წინ მეზობლებს შორის სიტყვიერი დაპირისპირება უძღოდა, რა დროსაც, ეჭვმიტანილმა, ხატოველებისგან მოითხოვა შეეწყვიტათ 18 წლის წინ მათი სახლის გაქურდვის ფაქტზე აღძრული სისხლის სამართლის საქმე. ბუნა ხატოველი დღემდე დარწმუნებულია, რომ ეჭვმიტანილი მისი ბინის გაქურდვის ერთ-ერთი თანამონაწილეა.
"აღარ უნდა დამანანებოთ თავიო, მითხრა. არ დავანებებ, სანამ, სიმართლე არ დადგინდება", - ამბობს ბუნა ხატოველი.
მისივე თქმით, სიტყვიერი დაპირისპირების შემდეგ ვითარების დაძაბვის თავიდან არიდების მიზნით, იგი ეზოში შევიდა. ცოტა ხანში კი ეჭვმიტანილი საკუთარი სახლისკენ გაიქცა, ცეცხლსასროლი იარაღი გამოიტანა და ხატოველების სახლის მისამართით სამჯერ გაისროლა.
ხატოველების სახლის ჭიშკარს სამივე ტყვიის კვალი ეტყობა.
ბუნა ხატოველის განმარტებით, ინცინდენტის დროს მისი დედა, ნათელა ხატოველი სახლის აივანზე იმყოფებოდა.
"პირდაპირ დამიმიზნა, ჩემი მოკვლა უნდოდა. თან იძახდა, უნდა მოგკლათო. რომ ისროლა, უკან მოვიხედე, ჩემს შვილს ხომ არ მოხვდა ტყვიათქო. ბუნა ამ დროს უკვე პოლიციაში რეკავდა", - იხსენებს ნათელა ხატოველი.
ხატოველები ეჭვმიტანილისგან კვლავ თავდასხმას არ გამორიცხავენ, რის გამოც, თავდაცვის მიზნით იარაღის შეძენას და თავის სახელზე გაფორმებას გეგმავს ნათელა ხატოველი, ბუნა ხატოველს კი სწორედ ამ მიზნით უკვე სამი წელია რეგისტრირებული ცეცხლსასროლი იარაღი აქვს.
პუშკინის ქუჩაზე მცხოვრებლები განმარტავენ, რომ მეზობლებს შორის დავა 1999 წლიდან დღემდე გრძელდება. 2017 წლის 17 აპრილს მომხდარ ინცინდენტს კი მათ შორის სიტყვიერი დაპირისპირება უძღოდა.
მასალის გამოყენების პირობები