"ლეიბორისტული პარტიის" ქუთაისის ორგანიზაციის წარმომადგენელმა და საკრებულოს წევრმა, სამსონ გუგავამ ქუთაისში ტრანსპორტზე ფასების მომატებაზე სასამართლოში სარჩელი შეიტანა.

სასარჩელო განცხადებით პარტია ქუთაისის საკრებულოს იმ დადგენილების შეჩერებას ითხოვს, რომლის მიხედვითაც მგზავრობის ღირებულება მიმდინარე წლის 7 აპრილიდან 10 თეთრით მოიმატებს. ამის შემდეგ საქმის წარმოებას სასარჩელო დავით შეეცდებიან. 

"ეს არის ანტისახალხო გადაწყვეტილება. ამის საჭიროება არ იდგა ქუთაისის რეალობაში. ამიტომ ვაპროტესტებთ საკრებულოს ანტისოციალურ დადგენილებას", - ამბობს სამსონ გუგავა.

ქუთაისის საქალაქო სასამართლომ "ლეიბორისტი" დეპუტატის სარჩელი მიიღო. ჯერ საქმის ზეპირი მოსმენა, ხოლო შემდეგ განხილვა დაიწყება. 

ქუთაისის საკრებულოში კი განმარტავენ, რომ სასამართლოში გასაჩივრების უფლება, კანონით დაცულია  და შესაბამისად, ამ უფლებით სარგებლობა შეუძლია ნებისმიერ დაინტერესებულ პირს. 

ქუთაისში, მგზავრობის არსებული ტარიფი სატრანსპორტო ხაზებზე დასაქმებულმა მძღოლებმა მიმდინარე წლის 6 მარტს ორდღიანი გაფიცვით გააპროტესტეს და ღირებულების 10 თეთრით გაზრდა მოითხოვეს.

ამავე თემაზე:

ქუთაისში საქალაქო ტრანსპორტის მძღოლები გაიფიცნენ

"ვითხოვთ მხოლოდ ათ თეთრს" - ქუთაისში გაფიცული მძღოლების მოთხოვნები

"არ გვეუბნებიან იმუშავებენ თუ არა"- მგზავრები გაფიცულ მძღოლებზე (ფოტო)

"გაფიცვა არაფერს მოგცემთ" - ვიცე-მერი გაფიცულ მძღოლებს

"დღეს ტრანსპორტი არ იმოძრავებს" - ქუთაისში მძღოლების გაფიცვა გრძელდება

ქუთაისში მეორე დღეა საქალაქო ტრანსპორტის მძღოლები გაფიცულები არიან

შეწყვეტილი გაფიცვა და 10 თეთრით გაძვირებული ტრანსპორტი ქუთაისში

"დაჯარიმება და გაფიცვა არავის უნდა" - გადამზიდი კომპანიები მერიის სანქციებზე
"ველოდებით პროცედურებს" - ქუთაისში, შესაძლოა, საქალაქო ტრანსპორტი 1 აპრილიდან გაძვირდეს