გარემოს ეროვნული სააგენტოს ინფორმაციით, დასავლეთ საქართველოში უნალექო ამინდი შენარჩუნდება.

სინოპტიკოსების ვარაუდით, ქუთაისში მიმდინარე წლის 31 მარტს ჰაერის ტემპერატურა დაიკლებს, თუმცა უნალექო ამინდის შენარჩუნდებას პროგნოზირებენ.

"31 მარტს და 1 აპრილს დასავლეთ საქართველოში, მათ შორის იმერეთშიც დაიკლებს ტემპერატურა. რაც შეეხება,  2 აპრილს, ველოდებით წვიმას და ჰაერის ტემპერატურა 13 გრადუსამდე გათბება", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსების ცნობით, დასავლეთ საქართველოში მიმდინარე წლის 3 აპრილს გამოიდარებს და ჰაერი 25 გრადუსამდე გათბება.