ქუთაისში მიმდინარე წლის 31 მარტს ელექტროენერგიის მიწოდება 1350 აბონენტს დროებით შეუწყდება.

"ენერგო პრო ჯორჯია" სერვისცენტრის ცნობით, დავით და კონსტანტინეს, რუას, ჩანჩიბაძისა და ჭომის უბანს, დაგეგმილი პროფილაქტიკური სამუშაოების გამო 11:00-დან 14:00 საათამდე ენერგომომარაგება შეეზღუდება.

"ელექტროენერგიის მიწოდების საიმედოობის უზრუნველყოფის მიზნით პროფილაქტიკურ სამუშაოებს კომპანია პერიოდულად ატარებს გამანაწილებელ ქსელში," - აცხადებენ კომპანიაში.

მათივე ცნობით, სამუშაოების დასრულებისთანავე აბონენტების ენერგომომარგება ჩვეულ რეჟიმში აღდგება.