ააიპ ქუთაისის ბაგა-ბაღების გაერთიანების ყოფილი თანამშრომლის მაკა ნაცლიშვილის ადვოკატი სააპელაციო სასამართლოს გადაწყვეტილების გასაჩივრებას გეგმვას.

ადვოკატის რობიზონ ხურცილავას განცხადებით,  ის სააპელაციო სასამართლოდან გადაწყვეტილების ოფიციალურად ჩაბარების შემდეგ, მის გასაჩივრებას   უზენაეს სასამართლოში აპირებს. საუბარია, იმ გადაწყვეტილებაზე, რომლის საფუძველზე ააიპ გაერთიანების ადმინისტრაციას ყოფილი თანამშრომლისთვის განაცდურის ანაზღაურება და კომპენსაციის გადახდის ვალდებულება  მოეხსნა, რომელიც  ქუთაისის საქალაქო სასამართლომ გაერთიანებას დააკისრა.  

"მაშინ, როდესაც საქალაქო სასამართლომ გაამართლა მაკა  ნაცვლიშვილი, გაუგებარია რატომ მიიღო სააპელაციო სასამართლომ ეს გადაწყვეტილება, ამიტომ როცა გადაწყვეტილება ჩამბარდება დაახლოებით 30 დღის ვადაში მე უზენაეს სასამართლოს მივმართავ",  - ამბობს ჩვენთან  საუბარში ადვოკატი, რობიზონ ხურცილავა.

ქუთაისის ააიპ ბაგა-ბაღების გაერთიანებამ, დაწესებულების ყოფილ თანაშრომელს, მაკა ნაცვლიშვილს სააპელაციო სასამართლო დავა მოუგო.

"საქალაქო სასამართლომ დაგვაკისრა გაცდენილი საათების ანაზღაურება და ასევე, 6000 ლარიანი კომპენსაცია. სააპელაციო სასამართლომ კი, ეს ვალდებულებები მოგვიხსნა", - აცხადებს იურისტი, რამაზი იობიძე.

მაკა ნაცვლიშვილისა და ქუთაისის ააიპ ბაგა-ბაღების გაერთიანების საქმემ ქუთაისის სააპელაციო სასამართლოში მას შემდეგ გადაინაცვლა, რაც საქალაქო სასამართლოს მიერ მიღებული გაადწყვტილება გაერთიანების ადმინისტრაციისთვის მიუღებელი აღმოჩნდა და
გაასაჩივრა. 2016 წლის 12 დეკემბერს ქუთაისის საქალაქო სასამართლომ ქუთაისის ააიპ ბაგა-ბაღების გაერთიანების ყოფილი თანამშრომლის მაკა ნაცლიშვილისთვის სასარგებლო გადაწყვეტილება მიიღო.

სასამართლო გადაწყვეტილების მიხედვით, გაერთიანების ადმინისტარაცის დირექტრის, ნანა ლორთქიფანიძის მიერ გამოცემული ბრძანება, (რომლის საფუძველზე მოხდა ნაცვლიშვილის გათავისუფლება) ბათილად ცნო, ასევე, გაერთიანებას დაეკისრა ნაცვლიშვილისთვის 6000 ლარის გადახდა.

ააიპ ქუთაისის ბაგა-ბაღების გაერთიანების დირექტორის, ნანა ლორთქიფანიძის ბრძანების თანახმად, სამ თანამშრომელს დაკავებული პოზიციიდან გათავისუფლების შესახებ ბრძანება გასული წლის 20 მაისს ჩაბარდათ.

დოკუმენტის თანახმად, სამსახურიდან დაწესებულების ხელმძღვანელის ორი მოადგილე და საზოგადოებასთან ურთიერთობის სამსასხურის უფროსი დაითხოვეს.