ქუთაისის საქალაქო სასამართლოში, საკრებულოს დეპუტატის ლაშა გვენეტაძის, მისი ძმის და მათი მეგობრის სასამართლო პროცესი 30 მარტს 12:00 საათზე არის ჩანიშნული.

წინასწარ პატიმრობაში მყოფი პირების სარჩელი, რომელიც საქალაქო სასამართლოს მიერ მიღებული განჩინების გასაჩივრებას ითვალისწინებდა, სააპელაციო სასამართლოს არ დააკმაყოფილა.

"მიმდინარეობს გამოძიება, ვნახოთ ეს რას  მოგვცემს, რა მტკიცებულებებს შეაგროვებს პროკურატურა და  ჩვენ რას შევაგროვებთ", - ამბობს ლაშა გვენეტაძის  ერთ-ერთი ადვოკატი, გიორგი დვალიშვილი.

საკრებულოს დეპუტატს, მის ძმას და  მეგობარს მამის საფლავის შესაძლო მძარველის ცემა ედებათ ბრალად, რის გამოც ისინი პროკურატურამ დააკავა. 

ქუთაისის საქალაქო სასამრთლომ მიმდინარე წლის 9 თებერვალს მათ ორთვიანი წინასწარი პატიმრობა შეუფარდა.

დაკავებულებს ბრალი 143-ე მუხლის მე-3 ა და ე ქვეპუნქტით წარედგინა. რაც, სიცოცხლისთვის და ჯანმრთელობისთვის საშიში ძალადობის გამოყენებით, მუქარით ჩადენილ თავისუფლების უკანონო აღკვეთას ითვალისწინებს. ბრალეულობის დამტკიცების შემთხვევაში აღნიშნული მუხლი 7-დან 10 წლამდე თავისუფლების აღკვეთას ითვალისწინებს.

ლაშა გვენატაძე, ქუთაისის საკრებულოს მაჟორიტარ დეპუტატად, 2014 წელს ადგილობრივი თვითმმართველობის არჩევნების შედეგად აირჩიეს. ის ასევე, საკრებულოს ფრაქცია "ქართული ოცნება-მრეწველებსაც" ხელმძღვანელობს.


ამავე თემაზე:

ქუთაისის საკრებულოს დეპუტატი დააკავეს

გაძარცვული საფლავი და დაკავებული დეპუტატი (ფოტო)

ქუთაისის საკრებულოს დეპუტატს ბრალეულობის დამტკიცების შემთხვევაში უფლებამოსილება შეუჩერდება

ქუთაისის საკრებულოს დეპუტატს სასამართლომ პატიმრობა შეუფარდა


"შეთხზული საქმეა" – საკრებულოს დეპუტატების შეფასება ლაშა გვენეტაძის საქმეზე

საკრებულოს დეპუტატის საქმეზე საქალაქო სასამართლოს განჩინება სააპელაციოში გაასაჩივრეს