დიდთოვლობის გამო ჭიათურის მუნიციპალიტეტის სოფელ მანდაეთის მკვიდრმა მარინა დიასამიძე-ციცხვიძემ საკუთარ სახლში ექიმების მეთვალყურეობის ქვეშ იმშობიარა.

სასწრაფო სამედიცინო დამხარების ავტომანქანა მშობიარის ოჯახამდე ტრაქტორის დახმარებით მიიყვანეს.

ადგილზე მობილიზებული იყვნენ ჭიათურისა და საჩხერის სასწრაფო დახმარების ბრიგადები.

დედა და ახალშობილი, რომლებიც თავს კარგად გრძნობენ, სასწრაფოს ავტომობილით ჭიათურის საავადმყოფოში არიან გადაყვანილნი.