ქუთაისში საახალწლო ნობათების დარიგება მიმდინარე წლის 26 დეკემბერს დაიწყო და ოთხი დღის განმავლობაში გაგრძელდება.

ისინი სოციალურად დაუცველებსა და შშმ პირებზე მომუშავე ორგანიზაციებზე გადანაწილდება.

სადღესასწაულო ნობათები ბენეფიციარებს გრიგოლ ხანძთელის N19 - ში, დილის ათი საათიდან საღამოს ხუთ საათამდე დაურიგდებათ.

ქუთაისის მერიის პრესცენტრის ინფორმაციით, ქალაქის მასშტაბით სულ 3 084 ცალი ნობათი გაიცემა.

მათივე ინფორმაციით, საახალწლო ნობათში 8 დასახელების საკვები პროდუქტია (ქათამი, შაქარი, ზეთი, ფქვილი, კარაქი და ტკბილეული) მოთავსებული.

საახალწლო ნობათებისთვის ქუთაისის მერიამ 71 500 ლარი დახარჯა.