გარემოს ეროვნული სააგენტოს ინფორმაციით, ქუთაისში ინტენსიური თოვა მიმდინარე წლის 20 დეკემბერს დღის ბოლომდე შენარჩუნდება.

ღამის განმავლობაში კი თოვლი შედარებით შესუსტდება და ხვალ დილიდან გამოიდარებს.

"დღის ტემპერატურა - 1 +1 ის ფარგლებში იქნება. ხვალ დილიდან უნდა გამოიდაროს, მაგრამ იქნება ყინვა -2 -4 გრადუსამდე," - აცხადებენ გარემოს ეროვნულ სააგენტოში.

მათი თქმით, 23 დეკემბრიდან დასავლეთ საქართველოს მთელს ტერიტორიაზე აღმოსავლეთის ძლიერი ქარი იქროლებს.