"საჯარო სკოლების მასწავლებელთა შრომის ანაზღაურების მინიმალური ოდენობისა და პირობების დადგენის თაობაზე" საქართველოს განათლებისა და მეცნიერების მინისტრის 2015 წლის 28 სექტემბრის ბრძანებაში ცვლილები შევიდა.

დოკუმენტში ცვლილება მიმდინარე წლის 8 დეკემბერს განხორციელდა.

ბრძანებაში განისაზღვრა თანამდებობრივი სარგო იმ მასწავლებლებისთვის, რომელთაც აქვთ მაგისტრის ან მასთან გათანაბრებული აკადემიური ხარისხი, აგრეთვე 2000 წლის ჩათვლით მიღებული აქვთ 4-წლიანი უმაღლესი პედაგოგიური განათლება.

შესაბამისად, 0-დან 5 წლის ჩათვლით სამუშაო გამოცდილების მქონე მასწავლებელი ნაცვლად 459,73 ლარისა ყოველთვიურად 524,48 ლარს მიიღებენ.

5-დან 10 წლის ჩათვლით სამუშაო გამოცდილების მქონე პედაგოგები 475,70 ლარის მაგივრად 542,70 ლარს, ხოლო 10 წლის ზემოთ სამუშაო გამოცდილების მქონე მასწავლებლები 481,03 ლარის ნაცვლად – 548,78 ლარს.