ქუთაისში, ბიზნესსექტორის წარმომადგენლებისთვის მათ მიერ წარმოებული პროდუქტის ევროკავშირის ბაზარზე მოხვედრის მიზნით საჯარო დისკუსია ჩატარდა. 
საჯარო დისკუსია "საქართველოს გზა ევროპული ბაზრისკენ-პროფესიული უნარები კონტექსტში DCFTA-ს " ფარგლებში, აკაკი წერეთლის სახელმწიფო უნივერსიტეტში გაიმართა.

ღონისძიების ერთ-ერთი ორგანიზატორის "საქართველოს სავაჭრო– სამრეწველო პალატის საერთაშორისო ურთიერთობის დეპარტამენტის"  უფროსის, გიორგი ვეკუას განმარტებით,   ბიზნესსექტორის წარმომადგენლებთან შეხვედრა და მათი თვალით დანახული  პრობლემების მოსმენა მნიშვნელოვანია. 

"სავაჭრო– სამრეწველო პალატა და დონორი ორგანიზაციები მოისმენენ მათ მოსაზრებებს და ვიფიქრებთ რისი შეთავაზება შეგვიძლია მათთვის", - აღნიშნა გიორგი ვეკუამ შეხვედრაზე.

საჯარო დისკუსიას 50- მდე ბიზნესსექტორის წარმომადგენელი დაესწრო. ისინი დაინტერესდნენ რა გზა უნდა გაიარონ იმისათვის, რომ მათი პროდუქტი ევროპული ბაზრის დახლებზე მოხვდეს.

საჯარო დისკუსია-ტრენინგს ბიზნესმენებთან ერთად, ადგილობრივი თვითმართველობისა და იმერეთის გუბერნიის წარმომადგენლებიც დაესწრნენ.

"ღრმა და ყოვლისმომცველი ვაჭრობის შესახებ შეთანხმება ეს არის ერთ–ერთი მიღწევა, რომელიც ჩვენმა ქვეყანამ გაიარა ევროინტეგრაციის გზაზე. აღნიშნული ხელშეკრულება ჩვენს ბიზნესმენებს მისცემს შანსს,  საკუთარი პროდუქცია გაიტანონ ევროპულ ბაზარზე," - განაცხადა იმერეთის ვიცე გუბერნატორმა, იოსებ ხახალეიშვილმა.

ბიზნესმენებს,  ევროკავშირის წევრ ქვეყნებში  პროდუქციის გატანასთან დაკავშირებულ ნებისმიერ შეკითხვაზე პასუხის მიღება,  საინფორმაციო ცენტრებში შეეძლებათ,  საქართველოს ხუთ ქალაქში"  თბილისში, ქუთაისში, სიღნაღში, გორსა და ზუგდიდში გაიხსნება.

საინფორმაციო ცენტრები ფუნქციონირებას მიმდინარე წლის დეკემბერში დაიწყებენ.