ჭიათურაში, ითხვისის მაღაროში მუშა გარდაიცვალა.

გარდაცვლილი შუახნის მამაკაცია.

გავრცელებული ინფორმაციით,  ელმავალი, რომელსაც მაღაროელი მართავდა ვაგონს შეჯახა, რა დროსაც მამაკაცმა დაზიანებები მიიღო და გარდაიცვალა. 
შემთხვევა, 3 დეკემბერს, ღამის 12 საათზე მოხდა. 

შინაგან საქმეთა სამინისტროში აცხადებენ, რომ მომხდართან დაკავშირებით საქმე აღძრულია 240-ე მუხლით, რაც სამთო-სამშენებლო ან სხვა სამუშაოების წარმოებისას უსაფრთხოების ნორმების დარღვევას გულისხმობს.

ამ დროისთვის დანიშნულია შესაბამისი ექსპერტიზა და მიმდინარეობს გამოძიება.