ქუთაისის მერია მთავრობას სტიქიით მიღებული ზარალის ანაზღაურების თხოვნით მიმართავს.

ადგილობრივმა თვითმმართველობამ თხოვნის წერილით მიმდინარე წლის 25 ნოემბერს მიმართა. ძლიერი ქარის გამო ქუთაისში მიღებულმა ზიანმა 341 220 ლარი შეადგინა. ამ თანხიდან 2 560 ლარი ადგილობრივი ბიუჯეტიდან გამოიყო.


"ქუთაისის მერი თავის მხრივ, შექმნილი მძიმე მდგომარეობის დროებითი განმუხტვის მიზნით, განსაკუთრებით მძიმე მდგომარეობაში მყოფ (საუბარია, საცხოვრებელ კორპუსებეზე და 2 კერძო სახლზე) ამხანაგობებსა და მოქალაქეებს გადასაფარებელი მასალის (ტენტი) შესაძენად გამოუყო 2 560 ლარი", - განმარტებულია მერიიდან მიღებულ წერილში.

ოთხდღიანი ძლიერი ქარის შედეგად ქუთაისში 118 ობიექტი დაზიანდა. აქედან, სტიქიის შედეგად სხვადასხვა დაზიანება მიიღო 65-მა მაღლივმა კორპუსმა, ხოლო 53 კერძო საცხოვრებლს სახლს სახურავი გადახადა.

ძლიერმა ქარმა ქუთაისის გარდა, იმერეთის რეგიონის კიდევ შვიდი მუნიციპალიტეტი დააზიანა. ზარალმა რეგიონის მასშტაბით, 1 349 040 ლარი შეადგინა.