ქუთაისის ბალანჩივაძის სახელობის ოპერისა და ბალეტის თეატრში ახალგაზრდული ფესტივალი "გიორგობა იმერეთში" გაიმართა.

გიორგობის დღესასწაულისადმი მიძღვნილ კონცერტში მონაწილეობა საქართველოს სახვადასხვა რეგიონიდან მოწვეულმა 16-მა ფოლკლორულმა ანსამბლმა მიიღო.

"ღონისძებაში თბილისის, ხობის, ამბროლაურის, წყალტუბოს, ზესტაფონის, სამტრედის, თერჯოლისა და ქუთაისის შემოქმედებითი ჯგუფები მონაწილეობენ," – ამბობს ფესტივალის დამფუძნებელ–ორგანიზატორი, ნარგიზა კიბაბიძე.

ახალგაზრდული ფესტივალის ჩატარების იდეა 4 წლის წინ გაჩნდა და ის გიორგობის დღის აღსანიშნავად, ყოველწლიურად ტარდება.

ღონისძიების ფინანსური მხარდამჭერი ქუთაისის მერიის კულტურის სამსახური გახლდათ.