სახალხო დღსასწაულთან დაკავშირებული ღონისძიებები დილიდან დაიწყო.
საჩხერის რკინიგზის მიმდებარე ტერიტორიაზე დამონტაჟებულია სცენა, სადაც  მომღერალი თემურ  წიკლაური ადგილობრივ მუსიკოსებსა  და ქართული ესტრადის ცნობილი შემსრულებელბთან ერთად კონცერტს გამართავს.

"მუხრანობის" აღნიშვნა საირმე-ჭორვილა-მოძვი-ჯილაურდის დამაკავშირებელი საავტომობილო გზის გახსნით დაიწყო.  

12:00 საათზე არგვეთის საჯარო სკოლაში მუხრან მაჭავარიანის შემოქმედებას პერფორმანსით წარმოადგენენ.

მოგვიანებით,  პოეტის სახლმუზეუმში ადგილობრივი მსახიობები ლიტერატურულ კომპოზიციებს შესთავაზებენ მსმენელებს.

საჩხერის კულტურის ცენტრის მიმდებარე ტერიტორიაზე კი ანსამბლი "მოდინახე" იმღერებს.

15:00 საათიდან რკინიგზის მოედანზე დაიწყება სპორტული თამაშობები და გამოფენა. მოეწყობა ეთნოგრაფიული კუთხეები.

სახალხო დღესასწაულზე დააჯილდოვებენ საჩხერის საპატიო მოქალაქეებსაც.

"მუხრანობა 2016" საზეიმო ფოიერვერკით დასრულდება. 

 

.