აკაკი წერეთლის სახელმწიფო უნივერსიტეტს პირველკურსელთა მიმდინარე წლის ტრადიციული ღონისძიება 11 000 ლარზე მეტი დაუჯდა.


უნივერსიტეტის თვითმმართველობის მიერ ორგანიზებული წვეულება "Welcome Party" 2016 წლის 26 სექტემბერს მოეწყო. მასზე 1000-მდე სტუდენტი იყო მიწვეული.

სტუდენტური თვითმმართველობის მიერ მოწოდებული ინფორმაციით,  ყველაზე დიდი თანხა დარბაზის იჯარისთვის გადაიხადეს.

რესტორან "ქალაქურში" სტუდენტური წვეულების მოწყობა 4 200 ლარი დაჯდა.

ღონისძიების მუსიკალური ნაწილისთვის 3 300 ლარი დაიხარჯა. თანხა დიჯეი პაპასკირს, ჯგუფებს "ზეგ" და "მუზეუმს" გადაეცათ.

თვითმმართველობის მიერ მოწოდებული ინფორმაციით, ღონისძიების საზეიმო ტორტსა და აპარატურას 2 900 მოხმარდა.

ყველაზე მცირე თანხა სრუდენტური წვეულების ფოტო-ვიდეო გადაღებაზე დაიხარჯა. "Welcome Party"-ის ფოტოგადაღება უნივერსიტეტს 750 ლარი დაუჯდა, ხოლო ვიდეომომსახურება 300 ლარი.

სტუდენტური ღონისძიებისთვის თვითმმართველობამ ფეიერვერკიც შეიძინა, თუმცა, ოკრიბელაშვილის განცხადებით, სასტუმროს ადმინისტრაციამ მისი გაშვების უფლება არ მისცა.