ქუთაისში, მუხნარის ტერიტორიაზე თანამედროვე ინფრასტრუქტურით აგებული საუნივერსიტეტო ქალაქის მშენებლობა იწყება, რომელიც სტუდენტთა პირველ ნაკადს 2019 წელს მიიღებს.

ტექნოლოგიური უნივერსიტეტი 60 000 სტუდენტზე იქნება გათვლილი და ის დასავლეთ საქართველოს საგანმანათლებლო-სამეცნიერო ცენტრი გახდება.

უახლესი ლაბორატორიებით აღჭურვილი მეგაკოლპლექსი 140 ჰექტარზე გაშენდება.

მთავრობის გადაწყვეტილებით, ის სახელმწიფო დაწესებულება იქნება.

საუნივერსიტეტო ქალაქის მშენებლობას, თბილისის ტექნოლოგიურ ცენტრთან ერთად, 1 მილიარდი ევრო მოხმარდება, რასაც სრულად დააფინანსებს ფონდი "ქართუ".

პროექტის  პრეზენტაცია ქუთაისში, მუხნარის მიმდებარე ტერიტორიაზე 12 სექტემბერს შედგება, რომელსაც პრემიერ-მინისტრი გიორგი კვირიკაშვილი დაესწრება.