იაკობ ქაჯაიამ რიოს ოლიმპიადაზე პირველი ორთაბრძოლა წარმატებით დაასრულა.

ბერძნულ–რომაული სტილით მოჭიდავე წყალტუბოელი სპორტსმენი (130 კგ) ასპარეზობაში დღეს ჩაერთო.

ქაჯაიამ ბრაზილიის სახელით მოასპარეზე სომეხი მოჭიდავე ედუარდ სოგომონიანი აშკარა უპირატესობით 8:0 დაამარცხა და 1/8 ფინალში გადასვლის შანსი მოიპოვა.

მომდევნო წრეში მისი სავარაუდო მეტოქე უკრაინელი ალექსანდრ ჩერნეცკი იქნება. წარმატების შემთხვევაში, ქართველი მეოთხედფინალში რუს სერგეი სემიონოვს დაეჭიდება, ნახევარფინალში კი კუბელ ლოპოზ ნუნიესთან მოუწევს შეხვედრა.

კუბელი მოჭიდავე 2-გზის ოლიმპიური და 5-გზის მსოფლიო ჩემპიონია.

ბადის მეორე მხარეს კი თურქების მსოფლიო ჩემპიონი რეზა კაია გახლავთ.

ასევე, 1/8 ფინალში გავიდა 85 კგ-ში მოასპარეზე რობერტ კობლიაშვილი, რომელმაც მექსიკელ ალფონსო ანტონიო ლეივა იეპესს 5:0 მოუგო.