ხარაგაულის მუნიციპალიტეტის თავმჯდომარეს, ინგა მაღრაძეს იმპიჩმენტს უცხადებენ. საკრებულოს დეპუტატები თანამდებობიდან მის გადაყენებას  პირველ აგვისტოს დანიშნულ საკრებულოს სხდომაზე გეგმავენ.

იმპიჩმენტის თაობაზე ხარაგულის ადგილობრივ საკანონმდებლო ორგანოში ფრაქციების " ქართული ოცნების" და "მრეწველების" წერილი უკვე დარეგისტრირდა.

საკრებულოს 35 წევრიდან თავმჯდომარის გადაყენების  მოთხოვნას ხელს 20  დეპუტატი აწერს.

ხარაგაულის საკანონმდებლო ორგანოს ხელმძღვანელი ინგა მაღრაძე საკრებულოს "რესპუბლიკური პარტიის" წარმომადგენელია, რომელიც დეპუტატებმა ხმათა უმრავლესობით საკრებულოს თავმჯდომარედ 2014 წელს აირჩიეს.

ფრაქცია "ქართული ოცნება-დემოკრატიული საქართველოს" თავმჯდომარე ვარლამ თავზარაშვილი ამბობს, რომ მაღრაძის გადაყენება 2014 წლიდან ამდრომდე საკრებულოში არსებულ პრობელემს უკავშირდება. ის აცხადებს, რომ საკრებულოს თავმჯდომარეს დეპუტატებთან კომუნიკაცია არ ქონდა.

"ვეცით პატივი და ავირჩიეთ საკრებულოს თავმჯდომარის პოსტზე. მაგრამ არ გაამართლა", - ამბობს თავზარაშვილი.

თავად მაღრაძე ამბობს, რომ მის წინააღმდეგ მიმდინარე პროცესები პოლიტიკურად მართულია, ხარაგულის მუნიციპალიტეტის გამგებლის კობა ლურსმანაშვილის მიერ, რომელიც ამავე დროს 8 ოქტომბრის არჩევნებზე მმართველის გუნის მიერ მაჟორიტარი დეპუტატობის კანდიდატას არის დასახელებული.

"მათ არ სურთ "რესპუბლიკელი" თავმჯდომარე. ამის გარდა, უნდათ საარჩევნო კამპანია ადმინისტრაციული რესურის გამოყენებით წარმართონ. ბუნებრივია, რომ არ აწყობთ ჩემი თავმჯდომარეობა უკვე", - აცხდებს ქუთაისიპოსტთან საუბარში ინგა მაღრაძე.

"ასეთ რაღაცეებს რომ აცხადებს, სწორედ ამის გამო იქნება გადაყენებული. ჩვენ არ ვართ ის ხალხი, ვინმეს [კობა ლურსმანაშვილის] ნათქვამზე მივიღოთ გადაწყვეტილება. ეს არის 20 ადამინის პოზიცია და რა შუაშია გამგებელი", - ამბობს "ქუთაისიპოსტთან საუბარში ფრაქცია "ქართული ოცნების" თავმჯდომარე ვარლამ თავზარაშვილი.

ხარაგაულის მუნიციპალიტეტის გამგებელი, კობა ლურსმანაშვილი კი ირწმუნება, რომ ის საკრებულოს უფლებამოსილებებში არ ერევა.

"შესაბამისად, მე არაფერ შუაში ვარ ამ პროცესებთან მიმართებაში. ქალბატონი ინგა ძალიან ცდება როდესაც ამბობს, რომ ამ ყველაფერის უკან მე ვდგავარ. სჯობია, ეს საკითხი უმტკივნეულოდ მოგვარდეს", - განმარტავს ის.

გადაყენების შემდეგ თუ ვინ დაიკავებს ინგა მაღრაძის პოსტს საკრებულოში ამას დეპუტატები არ აკონკრეტებენ. თუმცა, განმარტავენ, რომ მომავალი თავმჯდომარე "ქართული იცნებიდან" იქნება.