ქუთაისის მერია ჩანჩიბაძის ქუჩის გზის კეთილმოწყობას გეგმავს. ამ მიზნით, ადგილობრივი თვითმმართველობა 26 639 ლარის ღირებულების ელექტრონულ ტენდერს აცხადებს, სადაც წინადადების მიღება 29 ივლისს დაიწყება და 3 აგვისტომდე გაგრძელდება.

სატენდერო დოკუმენტაციის მიხედვით, ტენდერში გამარჯვებული კომპანია ვალდებულია ჩანჩიბაძის ქუჩის მე-2 ჩიხის გზის ბეტონის საფარით მოწყობა, ხელშეკრულების დადებიდან 30 (ოცდაათი) კალენდარული დღის ვადაში განახორციელოს.

ქუთაისის მერია მიმდინარე წელს, ჩანჩიბაძის ქუჩის გარდა, ქალაქის მასშტაბით სხვადასხვა ქუჩების რეაბილიტაციასაც გეგმავს. რომლისთვის რეგიონალური განვითარების ფონდიდან 7 854 434 ლარი დაიხარჯება.