ახალი ამბები
აუქციონით გათვალისწინებული პირობების თანახმად, ადგილობრივმა თვითთმმართველობამ წლის განმავლობაში შემოსავლის სახით 10 430 ლარი უნდა მიიღოს.
საიჯარო ვადის შეცვლა თვითმმართველობის ინიციატივით მოხდა.
ქუთაისის მერიის ქონების მართვის განყოფილების უფროსის დავით გოგრიჭიანის თქმით, აუქციონი, მოსწავლე-ახალგაზრდობის პარკის ხელმძღვანელობასთან შეთანხმების გარეშე, წელს პირველად გამოცხადდა.
"ადრე პარკის დირექტორთან იყო შეთანხმებული პირობები და წელს ჩვენ გამოვაცხადეთ", - განაცხადა გოგრიჭიანმა.
მოსწავლე-ახალგაზრდობის პარკის ხელმძღვანელი, გიზო თავაძე ამბობს, რომ იჯარის ვადის შეცვლის მიუხედავად, მერიას აუქციონის გამოცხადება მომავალ წელსაც მოუწევს.
"ატრაქციონები სეზონურია და ზამთარში მოიჯარეს შემოსავლის გარეშე უწევს ქირის თანხის გადახდა, ამიტომ ხდებოდა ხოლმე, რომ კომპანიები მერიას ხელშეკრულების შეწყვეტას თხოვდნენ. ვფიქრობ, ახლაც იგივე მოხდება და მერიას მომავალ წელსაც მოუწევს აუქციონის გამოცხადება", - ამბობს გიზო თავაძე.
გადაიხდის თუ არა მოიჯარე 5 წლის განმავლობაში ქირის თანხას სეზონური ატრაქციონებისთვის და მოუწევს თუ არა ქუთაისის მერიას ყოველწლიურად აუქციონის გამოცხადება, ამაზე საუბარი არ ისურვა დავით გოგრიჭიანმა.
"თუ ეს დეტალები გაინტერესებთ, წერილობით მოგვმართეთ", - განაცხადა მან.
გიზო თავაძე კი ადასტურებს, რომ აუქციონის პირობები და ხელშეკრულებით გათვალისწინებული მოთხოვნები, წელსაც უცვლელი დარჩა.
როგორც გაირკვა, წელს პირველად, ატრაქციონების საექსპლოატაციო ღირებულება თბილისიდან მოწვეულმა ექსპერტებმა შეაფასეს. სწორედ, ამის შემდეგ გამოაცხადა მერიამ აუქციონი პარკის ადმინისტრაციისგან დამოუკიდებლად და შეცვალა ქონების მართვით სარგებლობაში გადაცემის ხანგრძლივობა.
"კარგია, რომ ახლა უკვე ყველა ქონება აღრიცხულია", - ამბობს გიზო თავაძე.
აუქციონის პირობების თანახმად, მოიჯარემ ატრაქციონებისა და სხვა გასართობი საშუალებებისთვის წლის განმავლობაში სხვადასხვა რაოდენობის თანხა უნდა გადაიხადოს. ყველაზე მაღალ წლიურ ფასს, 3500ლარს ქუთაისის მერია "ავტოდრომისთვის" აწესებს.
გარდა პარკში არსებული გასართობი საშუალებებისა, წელს მიმდებარე ტერიტორიაზე (30 კვმ.) "ბატუტი" უნდა განთავსდეს.
ქუთაისის მერიამ აუქციონი 2016 წლის 31 მაისს გამოაცხადა. ელექტრონულად წინადადებების მიღება 15 ივნისს დასრულდება.
ქუთაისის მერია მოსწავლე-ახალგაზრდობის პარკის ატრაქციონებს 5 წლით აიჯარებს
10:38 / 14.06.2016
ქუთაისის მერია მოსწავლე-ახალგაზრდობის პარკში ატრაქციონებსა და რამდენიმე მიწის ნაკვეთზე აუქციონს აცხადებს.
აუქციონით გათვალისწინებული პირობების თანახმად, ადგილობრივმა თვითთმმართველობამ წლის განმავლობაში შემოსავლის სახით 10 430 ლარი უნდა მიიღოს.
გასული წლებში აუქციონი ყოველი წლის მაისში ცხადდებოდა და მოიჯარეს
ატრაქციონებით სარგებლობა ერთი წლით შეეძლო. მიმდინარე წელს კი
გასართობი საშუალებები მართვის უფლებით 5 წლის ვადით გადაიცემა.
საიჯარო ვადის შეცვლა თვითმმართველობის ინიციატივით მოხდა.
ქუთაისის მერიის ქონების მართვის განყოფილების უფროსის დავით გოგრიჭიანის თქმით, აუქციონი, მოსწავლე-ახალგაზრდობის პარკის ხელმძღვანელობასთან შეთანხმების გარეშე, წელს პირველად გამოცხადდა.
"ადრე პარკის დირექტორთან იყო შეთანხმებული პირობები და წელს ჩვენ გამოვაცხადეთ", - განაცხადა გოგრიჭიანმა.
მოსწავლე-ახალგაზრდობის პარკის ხელმძღვანელი, გიზო თავაძე ამბობს, რომ იჯარის ვადის შეცვლის მიუხედავად, მერიას აუქციონის გამოცხადება მომავალ წელსაც მოუწევს.
"ატრაქციონები სეზონურია და ზამთარში მოიჯარეს შემოსავლის გარეშე უწევს ქირის თანხის გადახდა, ამიტომ ხდებოდა ხოლმე, რომ კომპანიები მერიას ხელშეკრულების შეწყვეტას თხოვდნენ. ვფიქრობ, ახლაც იგივე მოხდება და მერიას მომავალ წელსაც მოუწევს აუქციონის გამოცხადება", - ამბობს გიზო თავაძე.
გადაიხდის თუ არა მოიჯარე 5 წლის განმავლობაში ქირის თანხას სეზონური ატრაქციონებისთვის და მოუწევს თუ არა ქუთაისის მერიას ყოველწლიურად აუქციონის გამოცხადება, ამაზე საუბარი არ ისურვა დავით გოგრიჭიანმა.
"თუ ეს დეტალები გაინტერესებთ, წერილობით მოგვმართეთ", - განაცხადა მან.
გიზო თავაძე კი ადასტურებს, რომ აუქციონის პირობები და ხელშეკრულებით გათვალისწინებული მოთხოვნები, წელსაც უცვლელი დარჩა.
როგორც გაირკვა, წელს პირველად, ატრაქციონების საექსპლოატაციო ღირებულება თბილისიდან მოწვეულმა ექსპერტებმა შეაფასეს. სწორედ, ამის შემდეგ გამოაცხადა მერიამ აუქციონი პარკის ადმინისტრაციისგან დამოუკიდებლად და შეცვალა ქონების მართვით სარგებლობაში გადაცემის ხანგრძლივობა.
"კარგია, რომ ახლა უკვე ყველა ქონება აღრიცხულია", - ამბობს გიზო თავაძე.
აუქციონის პირობების თანახმად, მოიჯარემ ატრაქციონებისა და სხვა გასართობი საშუალებებისთვის წლის განმავლობაში სხვადასხვა რაოდენობის თანხა უნდა გადაიხადოს. ყველაზე მაღალ წლიურ ფასს, 3500ლარს ქუთაისის მერია "ავტოდრომისთვის" აწესებს.
გარდა პარკში არსებული გასართობი საშუალებებისა, წელს მიმდებარე ტერიტორიაზე (30 კვმ.) "ბატუტი" უნდა განთავსდეს.
ქუთაისის მერიამ აუქციონი 2016 წლის 31 მაისს გამოაცხადა. ელექტრონულად წინადადებების მიღება 15 ივნისს დასრულდება.
მასალის გამოყენების პირობები