გიორგი მაისურაძის სახელობის სამხატვრო სკოლის მოსწავლეებმა საკუთარი ნამუშევრები ქუთაისის ცენტრალურ ბაღში წარმოადგინეს.
"დღეს ჩემი ორი ნახატია გამოფენილი. ერთ–ერთში გადმოვეცი დედის და შვილის სიყვარული. მიხარია,რომ ჩემი ნახატები პირველად გამოიფინა," – განაცხადა სამხატვრო სკოლის მოსწავლემ, ციცი ბუმბეიშვილმა.

გამოფენაზე წარმოდგენილია 11–დან 13 წლამდე ასაკის ბავშთა, სხვადასხვა დროს შესრულებული პეიზაჟები და პორტრეტები.

"ნამუშევრების ნაწილი, რომლებიც ბავშვებმა შეასრულეს დღეს პირველად წარვუდგინეთ დამთვალიერებლებს," – განაცხადა გიორგი მაისურაძის სამხატვრო სკოლის დირექტორმა, გიორგი ბერიშვილმა.

გამოფენა ცენტრალურ ბაღში დღის ბოლომდე გაგრძელდება.



1 ივნისს ბავშვთა საერთაშორისო დღე 1950 წლიდან ყოველწლიურად მსოფლიოს მრავალ ქვეყანაში აღინიშნება.

ამ დღესთან დაკავშირებით ქუთაისში სხვადასხვა ღონისძიებები გაიმართება.