ქუთაისში, ყოფილი სასტუმრო „თბილისის“ შენობის მიმდებარე ტერიტორიაზე სამშენებლო სამუშაოები მიმდინარეობს.

 

შემოღობილ ტერიტორიაზე განთავსებული საინფორმაციო დაფის მიხედვით, ადგილზე მრავალბინიანი საცხოვრებელი კორპუსი შენდება.

პროექტის მიხედვით, შენობა ჯამში 7-სართულიანი იქნება — ერთი სართული მიწისქვეშა, ხოლო 6 სართული მიწისზედა.

საინფორმაციო დაფაზე მითითებული ინფორმაციით, მშენებლობის დასრულების სავარაუდო ვადა 2029 წელია.

ასათიანის ქუჩაზე მდებარე მიწის ნაკვეთი და მასზე განთავსებული სასტუმროს შენობა აუქციონზე სახელმწიფო ქონების ეროვნულმა სააგენტომ 2022 წლის ივნისში გაიტანა.

ტერიტორია შპს „პრემიუმ ქონსტრაქშენმა“ 2 მილიონ 155 000 ლარად შეიძინა.