ქუთაისში, იოსელიანის ქუჩაზე, საცხოვრებელი კორპუსის მშენებლობაზე მომხდარი უბედური შემთხვევის შემდეგ, რომელსაც ერთი ადამიანის სიცოცხლე ემსხვერპლა, შრომის ინსპექციამ ობიექტზე სამუშაოები შეაჩერა.

შრომის ინსპექციაში აცხადებენ, რომ შემთხვევის მოკვლევა მიმდინარეობს.

უბედური შემთხვევა დღეს, იოსელიანის ქუჩაზე, საცხოვრებელი კორპუსის მშენებლობისას მოხდა. ადგილობრივების ინფორმაციით, ბეტონის დასხმის დროს რკინის კონსტრუქცია ჩამოინგრა, რის შედეგადაც მუშა მის ქვეშ მოექცა და  გარდაიცვალა.

შემთხვევის ადგილზე საცხოვრებელ კორპუსს სამშენებლო კომპანია „მაუდი რეზიდენსი“ აშენებს.