ახალი ამბები
"საჯარო რეესტრის შესახებ" კანონში შესატანი ცვლილების პროექტი განსახილველად უკვე მზადაა. იუსტიციის სამინისტრომ პროექტის ალტერნატიული ვერსია, რომელსაც არასამთავრობო სექტორის კრიტიკა მოჰყვა, პარლამენტიდან უკან გამოითხოვა.
არასამთავრობო ორგანიზაცია "საერთაშორისო გამჭვირვალობა-საქართველოში" პროექტის ახალ ვერსიას დადებითად აფასებენ და ამბობენ, რომ წინა შემთხვევისგან განსხვავებით, ახალი ვერსია მინიმუმამდე ამცირებს მოქალაქის მიერ მიწის დაკარგვის შანსს.
"ეს ვერსია ადრეც ჰქონდა იუსტიციის სამინისტროს, მაგრამ გასულ წელს რატომღაც სხვა პროექტი გაიტანა განსახილველად, რაც მიუღებელი აღმოჩნდა არასამთავრობო სექტორისა და ყველა დაინტერესებული პირისთვის. თუ ის პროექტი კანონის სახეს მიიღებდა, მაშინ აღმოვჩნდებოდით იმ რეალობის წინაშე, როცა ადამიანთა უმრავლესობა, რომლებსაც მიწა დარეგისტრირებული არ აქვთ, დაკარგავდნენ მას. ახალი პროექტი კი, რომელშიც ჩვენი რეკომენდაციებიც არის გათვალისწინებული, მინიმუმამდე ამცირებს ამ შანსს",-ამბობს "საერთაშორისო გამჭვირვალობა-საქართველოს" მთავარი იურისტი თეონა ზაქარაშვილი.
"გამჭვირვალობის" იურისტებმა არასამთავრობო სექტორის მიერ დაწუნებული ძველი და მათი რეკომენდაციებით შედგენილი ახალი ვერსიების შინაარსი, დაინტერესებულ აუდიტორიას "ქუთაისის დემოკრატიული ჩართულობის ცენტრში" გააცნეს.
იურისტების განმარტებით, კანონპროექტის ძველი ვერსია ავტომატურად თავის საკუთრებაში განიხილავდა ყველა დაურეგისტრირებელ მიწას, შემდეგ კი მოქალაქეს, რომლის მიწაც მასზე საკუთრების უფლების არქონის გამო სახელწიფოს მფლობელობაში აღმოჩნდებოდა, შესაძლებლობას აძლევდა ერთწლიანი შუალედით მიწა თავის სახელზე დაემტკიცებია. თუ მოქალაქე ერთი წლის განმავლობაში რეგისტრაციას არ მოითხოვდა, მიწა ავტომატურად გადადიოდა სახელმწიფოს საკუთრებაში.
ამასთანავე, სახელმწიფო იტოვებდა მიწების განკარგვაზე აკრძალვის უფლებას, რაც იმას ნიშნავს,რომ საჭიროების შემთხვევაში მას შეეძლო ყველა დაურეგისტრირებელი მიწა საკუთარი სურვილისამებრ განეკარგა ან პირიქით. მაგალითად, თუ მოქალაქე მოითხოვდა მიწის დარეგისტრირებას, სახელმწიფოს კეთილ ნებაზე იყო დამოკიდებული გამოიყენებდა თუ არა განკარგვაზე აკრძალვის უფლებას ანუ დაურეგისტრირებდა თუ არა მას საკუთრებაში.
იურისტები კანონპროექტის ძველ ვერსიას განსაკუთრებით საგანგაშოდ იმის გამო მიიჩნევდნენ, რომ საქართველოში მიწების 80% ჯერ კიდევ დაურეგისტრირებელია, რაც მათი თქმით, პრობლემას კიდევ უფრო მასშტაბურს გახდიდა.
არასამთავრობო სექტორის მიერ დადებითად შეფასებული პროექტი კი ეწინააღმდეგება დაურეგისტრირებელი მიწების სახელმწიფოს საკუთრებაში გადაცემას. ახალი ვერსიით, უპირველეს ყოვლისა უნდა მოხდეს ქვეყნის მასშტაბით არსებული მიწების ინვენტარიზაცია და შემდეგ მათი სისტემური რეგისტრაცია.
"საქართველოში მიწების 80% ჯერ კიდევ დაურეგისტრირებელია"
11:50 / 30.03.2016
არასამთავრობო სექტორის
მიერ დადებითად შეფასებული პროექტი კი ეწინააღმდეგება
დაურეგისტრირებელი მიწების სახელმწიფოს საკუთრებაში გადაცემას.
"საჯარო რეესტრის შესახებ" კანონში შესატანი ცვლილების პროექტი განსახილველად უკვე მზადაა. იუსტიციის სამინისტრომ პროექტის ალტერნატიული ვერსია, რომელსაც არასამთავრობო სექტორის კრიტიკა მოჰყვა, პარლამენტიდან უკან გამოითხოვა.
კანონპროექტის ახალი ვერსია კი განხილვისთვის ორი დღის წინ
დარეგისტრირდა.
არასამთავრობო ორგანიზაცია "საერთაშორისო გამჭვირვალობა-საქართველოში" პროექტის ახალ ვერსიას დადებითად აფასებენ და ამბობენ, რომ წინა შემთხვევისგან განსხვავებით, ახალი ვერსია მინიმუმამდე ამცირებს მოქალაქის მიერ მიწის დაკარგვის შანსს.
"ეს ვერსია ადრეც ჰქონდა იუსტიციის სამინისტროს, მაგრამ გასულ წელს რატომღაც სხვა პროექტი გაიტანა განსახილველად, რაც მიუღებელი აღმოჩნდა არასამთავრობო სექტორისა და ყველა დაინტერესებული პირისთვის. თუ ის პროექტი კანონის სახეს მიიღებდა, მაშინ აღმოვჩნდებოდით იმ რეალობის წინაშე, როცა ადამიანთა უმრავლესობა, რომლებსაც მიწა დარეგისტრირებული არ აქვთ, დაკარგავდნენ მას. ახალი პროექტი კი, რომელშიც ჩვენი რეკომენდაციებიც არის გათვალისწინებული, მინიმუმამდე ამცირებს ამ შანსს",-ამბობს "საერთაშორისო გამჭვირვალობა-საქართველოს" მთავარი იურისტი თეონა ზაქარაშვილი.
"გამჭვირვალობის" იურისტებმა არასამთავრობო სექტორის მიერ დაწუნებული ძველი და მათი რეკომენდაციებით შედგენილი ახალი ვერსიების შინაარსი, დაინტერესებულ აუდიტორიას "ქუთაისის დემოკრატიული ჩართულობის ცენტრში" გააცნეს.
იურისტების განმარტებით, კანონპროექტის ძველი ვერსია ავტომატურად თავის საკუთრებაში განიხილავდა ყველა დაურეგისტრირებელ მიწას, შემდეგ კი მოქალაქეს, რომლის მიწაც მასზე საკუთრების უფლების არქონის გამო სახელწიფოს მფლობელობაში აღმოჩნდებოდა, შესაძლებლობას აძლევდა ერთწლიანი შუალედით მიწა თავის სახელზე დაემტკიცებია. თუ მოქალაქე ერთი წლის განმავლობაში რეგისტრაციას არ მოითხოვდა, მიწა ავტომატურად გადადიოდა სახელმწიფოს საკუთრებაში.
ამასთანავე, სახელმწიფო იტოვებდა მიწების განკარგვაზე აკრძალვის უფლებას, რაც იმას ნიშნავს,რომ საჭიროების შემთხვევაში მას შეეძლო ყველა დაურეგისტრირებელი მიწა საკუთარი სურვილისამებრ განეკარგა ან პირიქით. მაგალითად, თუ მოქალაქე მოითხოვდა მიწის დარეგისტრირებას, სახელმწიფოს კეთილ ნებაზე იყო დამოკიდებული გამოიყენებდა თუ არა განკარგვაზე აკრძალვის უფლებას ანუ დაურეგისტრირებდა თუ არა მას საკუთრებაში.
იურისტები კანონპროექტის ძველ ვერსიას განსაკუთრებით საგანგაშოდ იმის გამო მიიჩნევდნენ, რომ საქართველოში მიწების 80% ჯერ კიდევ დაურეგისტრირებელია, რაც მათი თქმით, პრობლემას კიდევ უფრო მასშტაბურს გახდიდა.
არასამთავრობო სექტორის მიერ დადებითად შეფასებული პროექტი კი ეწინააღმდეგება დაურეგისტრირებელი მიწების სახელმწიფოს საკუთრებაში გადაცემას. ახალი ვერსიით, უპირველეს ყოვლისა უნდა მოხდეს ქვეყნის მასშტაბით არსებული მიწების ინვენტარიზაცია და შემდეგ მათი სისტემური რეგისტრაცია.
მასალის გამოყენების პირობები