გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, არამდგრადი ამინდია მოსალოდნელი.

მისივე თქმით, დღეს და ხვალ, 8-9 დეკემბერს, უნალექო ამინდი შენარჩუნდება. ჰაერის ტემპერატურა დღისით 18-19 გრადუსი დაფიქსირდება, ღამით 5-7 გრადუსი.

დოდო გვაზავას ინფორმაციით, 10 დეკემბრიდან კვირის ბოლომდე არამდგრადი ამინდია მოსალოდნელი. იწვიმებს და დაიკლებს ჰაერის ტემპერატურა. 13 დეკემბერს ზომიერზე მეტი ნალექი იქნება ცალკეულ რაიონებში. ჰაერის მაქსიმალური ტემპერატურა 10-12 გრადუსამდე ჩამოვა. 14 დეკემბერს, დღის ბოლოსკენ გამოიდარებს.