Wizz Air ქუთაისიდან, სლოვაკეთის დედაქალაქის, ბრატისლავას, მიმართულებით პირდაპირ ფრენებს იწყებს.

ახალი მარშრუტი, 2026 წლის 12 იანვრიდან, კვირაში ოთხჯერ შესრულდება: ორშაბათს, ოთხშაბათს, პარასკევსა და კვირას, ავიაკომპანიის Airbus A321neo ტიპის თვითმფრინავით.

ბილეთების შეძენა უკვე შესაძლებელია wizzair.com-სა და WIZZ აპლიკაციაში, ფასი კი 99 ლარიდან იწყება.

Wizz Air-ი ქუთაისიდან 12 ქვეყნის 23 მიმართულებით ოპერირებს. 2 დეკემბრიდან ავიაკომპანია პირდაპირ ფრენებს ვენეციის მიმართულებით იწყებს.

2025 წელს, Wizz Air-მა ქუთაისის მიმართულებით და ქუთაისიდან 6800 ფრენა შეასრულა, შესთავაზა 1.8 მილიონზე მეტი ადგილი მოგზაურებს და მიიღო 1.5 მილიონზე მეტი ჯავშანი, ხოლო ფრენების შესრულების საშუალო მაჩვენებელმა 99.7% შეადგინა.