გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, თბილი და უმეტესად უნალექო ამინდია მოსალოდნელი.

მისივე ინფორმაციით, 12 ნოემბრის ჩათვლით ჰაერის მაქსიმალური ტემპერატურა 22-24 გრადუსი დაფიქსირდება. 13 ნოემბერს ცალკეულ რაიონებში მოიღრუბლება და გაწვიმდება. ამის ხარჯზე ჰაერის ტემპერატურა დაიკლებს 18-19 გრადუსამდე.

დოდო გვაზავას ინფორმაციით, 14-15 ნოემბერი უმეტესად უნალექოდ ჩაივლის და 23 გრადუსამდე გათბება ჰაერი. 16 ნოემბრის დღის მეორე ნახევრიდან კი ზოგიერთ რაიონში კვლავ გაწვიმდება.