ტრაგედია თერჯოლის მუნიციპალიტეტში - არასრულწლოვანი ნანგრევებში მოყვა და ადგილზე დაიღუპა.

შემთხვევა გუშინ, 8 ნოემბერს, მოხდა.

გავრცელებული ინფორმაციით, 15 წლამდე მოზარდი მიტოვებული ავტოფარეხის ნანგრევებში მოყვა, რომელიც ამორტიზებული იყო.

როგორც „ქუთაისიპოსტს“ შსს-ში განუცხადეს, მომხდარზე გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.