გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, თბილი და უმეტესად უნალექო ამინდია მოსალოდნელი.

მისივე ინფორმაციით, დღეს, 3 ნოემბრის დღის მეორე ნახევრიდან, 4 ნოემბრის დღის განმავლობაში გაძლიერდება აღმოსავლეთის მიმართულების ქარი.

ჰაერის მინიმალური ტემპერატურა ღამის საათებში მოსალოდნელია 7-დან 14 გრადუსამდე, ხოლო დღის საათებში - 18-დან 24 გრადუსამდე.

დოდო გვაზავას ინფორმაციით, კვირის ბოლომდე თბილი და უნალექო ამინდი შენარჩუნდება.