ქუთაისის ახალი, მერვე მოწვევის საკრებულოში მოხვედრის სურვილს 8 პოლიტიკური პარტია გამოთქვამს.
კერძოდ, 4 ოქტომბრის ადგილობრივი თვითმმართველობის არჩევნებისთვის ცესკოში საკრებულოს პროპორციული სიით შემდეგი პარტიებია დარეგისტრირებული: "კონსერვატორები საქართველოსთვის", "სახალხო ხელისუფლება", "ძლიერი საქართველო - ლელო", "გახარია საქართველოსთვის", "გირჩი", "ქართული ოცნება", "საქართველო" და "საქართველოს პატრიოტთა ალიანსი".

აღნიშნული პარტიებიდან "გახარიას" და "ლელოს" 5-5 სამაჟორიტარო ოლქში წარმოდგენილი  ჰყავთ კანდიდატები.

ქალაქის საკრებულო 25 წევრით დაკომპლექტდება, აქედან 10 მაჟორიტარი იქნება.

4 ოქტომბრის ადგილობრივი თვითმმართველობის არჩევნებზე, ქუთაისში 10 მაჟორიტარული ოლქია: ავტოქარხნის, ავტომშენებლის, გამარჯვების, უქიმერიონის და გუმათის მაჟორიტარული ოლქი, ასევე, ქალაქ-მუზეუმის, საფიჩხიის, კახიანოურის, ძელქვიანის, ნიკეას და სულხან-საბა-ვაკისუბნის მაჟორიტარული ოლქები.

ადგილობრივი თვითმმართველობის არჩევნები 4 ოქტომბერსაა დაგეგმილი. ოპოზიციური პარტიების ნაწილი 2025 წლის 4 ოქტომბრის თვითმმართველობის არჩევნებს ბოიკოტს უცხადებს.