გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, უმეტესად, უნალექო ამინდია მოსალოდნელი.

მისივე თქმით, 17 სექტემბრის ჩათვლით უნალექო ამინდი შენარჩუნდება. ჰაერის მაქსიმალური ტემპერატურა 28-29 გრადუსი დაფიქსირდება.

18 სექტემბრის დღის მეორე ნახევრიდან კვლავ ამინდის გაუარესებაა მოსალოდნელი, რომელიც გაგრძელდება 21 სექტემბრის დღის პირველ ნახევრამდე. 19-20 სექტემბერს მოსალოდნელია ინტენსიური წვიმა და ჰაერის ტემპერატურის დაკლება 18-20 გრადუსამდე.

დოდო გვაზავას ინფორმაციით, 21 სექტემბრიდან კვლავ გამოიდარებს და 24-26 გრადუსამდე მოიმატებს ჰაერის ტემპერატურა.