2025 წლის პირველ ნახევარში საქართველოში უცხო ქვეყნის 1 905 192 მოქალაქე შემოვიდა. შემოსულთაგან ყველაზე მეტი ანუ 498 726 რუსეთიდან იყო.

ინფორმაციას საქართველოს შინაგან საქმეთა სამინისტრო ავრცელებს:

6 თვეში საქართველოდან გავიდა რუსეთის 471 855 მოქალაქე , შესაბამისად დარჩა  26 871. ყოველ შემთხვევაში, ჯერჯერობით.

რაც შეეხება სხვა ქვეყნებს, საზღვრის კვეთის მხრივ მეორე ადგილზეა თურქეთი, მესამეზე - სომხეთი, რომელსაც მოჰყვება ევროკავშირის ქვეყნები, ხუთეულს კი ისრაელი ხურავს.

ქვეყნების პირველი ექვსეული და ევროკავშირი კვეთების რაოდენობის მიხედვით (2025 წლის 6 თვე):

რუსეთის ფედერაცია - შემოსვლა - 498 726, გასვლა - 471 855;

თურქეთი - შემოსვლა - 333 953, გასვლა - 340 050;

სომხეთი - შემოსვლა - 275 138, გასვლა - 271 974;

ევროკავშირის ქვეყნები - შემოსვლა - 137 586, გასვლა - 130 690;

ისრაელი - შემოსვლა - 102 037, გასვლა - 103 881;

აზერბაიჯანი - შემოსვლა - 85 371, გასვლა - 81 360;

ინდოეთი - შემოსვლა - 57 412, გასვლა - 59 835;

ამასთან, შინაგან საქმეთა სამინისტროს საზღვრის კვეთის სტატისტიკური მონაცემების მიხედვით, 2025 წლის იანვარ-ივნისში საქართველოდან უცხო ქვეყნის 1 851 009 მოქალაქე გავიდა.