გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირის ბოლომდე ცხელი და უნალექო ამინდი იქნება.

მისივე ინფორმაციით, 8 ივლისიდან 10 ივლისის ჩათვლით, იმერეთში, იქროლებს აღმოსავლეთის მიმართულების ძლიერი ქარი, რომელიც 11 ივლისიდან თანდათან შესუსტდება.

დოდო გვაზავას ინფორმაციით, 12 ივლისის ჩათვლით, ჰაერის მაქსიმალური ტემპერატურა 37-39 გრადუსი დაფიქსირდება.

13 ივლისს მოიღრუბლება და რამდენიმე გრადუსით დაიკლებს ჰაერის ტემპერატურა.