გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას არამდგრადი ამინდია მოსალოდნელი.

მისივე თქმით, დღეს, 30 ივნისს, უმეტეს რაიონში, დროგამოშვებით იწვიმებს. ხვალ, 1 ივლისს, დღის მეორე ნახევრიდან, ცალკეულ რაიონებში, შესაძლოა მცირე წვიმა, რომელიც გაგრძელდება 3 ივლისის ჩათვლით. ამასთან, იქროლებს დასავლეთის მიმართულების ქარი. ჰაერის ტემპერატურა დაიკლებს 24 გრადუსამდე.

დოდო გვაზავას ინფორმაციით, 5-6 ივლისს გამოიდარებს და ჰაერის ტემპერატურა 30-დან 32 გრადუსამდე გათბება.