გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას არამდგრადი ამინდია მოსალოდნელი.

მისივე თქმით, დღეს და ხვალ, 16-17 ივნისს , დროგამოშვებით, მცირე ხასიათის წვიმაა მოსალოდნელი, იქროლებს დასავლეთის მიმართულების ქარი. ჰაერის მაქსიმალური ტემპერატურა 20-21 გრადუსი დაფიქსირდება.

დოდო გვაზავას ინფორმაციით, 18 ივნისიდან 21 ივნისის დღის მეორე ნახევრამდე, თბილი და უნალექო ამინდი იქნება. ჰაერის ტემპერატურა გათბება 26-დან 30 გრადუსამდე.

22 ივნისს კვლავ დაიკლებს ჰაერის ტემპერატურა და შესაძლოა, გაწვიმდეს.