ახალი რეგულაციების შესაბამისად, 10 ივნისიდან, თბილისიდან, ქუთაისის საერთაშორისო აეროპორტის მიმართულებით ოფიციალური გადამყვანი ავტობუსები, ახალი ლოკაციებიდან, დედაქალაქის ავტოსადგურებიდან გავლენ.

აეროპორტების გაერთიანების ინფორმაციით, Georgian Bus-ი, ხვალიდან, ქუთაისის აეროპორტისკენ მიმავალ მგზავრებს გადაიყვანს ვაგზლის მოედნიდან/ავტოსადგური დადიანის მხრიდან.

Omnibus Express • ომნიბუს ექსპრესი და Metro Georgia • მეტრო ჯორჯია კი ქუთაისის დავით აღმაშენებლის სახელობის აეროპორტის მგზავრებს ორთაჭალის ცენტრალური ავტოსადგურიდან მოემსახურებიან.

ომნიბუსი - ორთაჭალის ავტოსადგურის მე-4 ბაქნიდან გავა, მეტრო ჯორჯია კი - ორთაჭალის ავტოსადგურის - მე-3 ბაქნიდან.

ლოკაციების ცვლილების მიზეზი სახმელეთო ტრანსპორტის სააგენტოს მიერ შემუშავებული და დამტკიცებული რეგულაცია გახდა, რაც მგზავრების ლიცენზირებული ავტოსადგურებიდან გადაყვანას ითვალისწინებს.

როგორც აეროპორტების გაერთიანებაში განმარტავენ, ავტობუსის გასვლის განრიგი კვლავ ფრენების განრიგზე იქნება მორგებული.