გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, არამდგრადი ამინდია მოსალოდნელი.

მისივე თქმით, დღეს, 26 მაისს, ქარი შენარჩუნდება, ამასთან, მოიმატებს ჰაერის ტემპერატურა 33 გრადუსამდე.

27 მაისს ქარი შესუსტება და რამდენიმე გრადუსით დაიკლებს ჰაერის ტემპერატურა. 28-დან 30 მაისის ჩათვლით კი, ზოგიერთ რეგიონში, ხანმოკლე ხასიათის წვიმაა მოსალოდნელი, ელჭექით. დაიკლებს ჰაერის ტემპერატურაც 22-25 გრადუსამდე.

დოდო გვაზავას ინფორმაციით, 31 მაისს, კვლავ არამდგრადი ამინდია მოსალოდნელი.