აქციაზე, ჭიათურიდან ინვესტორის გასვლის გარდა, კიდევ ხუთი მოთხოვნა გაჟღერდა.

მაღაროელები, პირველ რიგში, "ქართული ოცნების" მთავრობასთან შეხვედრას ითხოვენ. უმუშევრად დარჩენილ მშრომელებს, იმ თანამდებობის პირებთან სურთ შეხვედრა, რომლებმაც ოთხი თვის წინ ხელი მოაწერეს მაღაროების გაჩერებას. მაღაროელები, ასევე ითხოვენ სასარგებლო წიაღისეულის მოპოვებიდან მიღებული თანხის ნაწილის საერთო ფონდში მობილიზებას, რომელიც ჭიათურელ ბავშვებს მოხმარდება; ქალაქში უფასო მუნიციპალური ტრანსპორტის შექმნას; მანგანუმის მოპოვების გამო შექმნილი ეკოლოგიური პრობლემების მოგვარებას და "ჯორჯიან მანგანეზის" სამუშაოების შედეგად დაზარალებული შუქრუთელებისთვის სამართლიანი კომპენსაციების გაცემას.