ავტოსაგზაო შემთხვევა ქუთაისში - დამტვრეულია 4 მსუბუქი მანქანა

20:27 / 03.03.2016

ქუთაისში ე.წ. მინისტარის მიმდებარე ტერიტორიაზე ავტოსაგზაო შემთხვევა მოხდა.

ავარიის შედეგად 4 ავტომობილი დაზიანდა. თვითმხილველების თქმით, ორი ავტომობილის მძღოლი ნასვამ მდგომარეობაში იმყოფებოდა.

ადგილზე მობილიზებულია საპატრულო პოლიცია, რომელმაც მძღოლებს ავტომობილების გასაღები ჩამოართვა და განყოფილებაში გადაიყვანა.

მგზავრებს სერიოზული დაზიანებები არ მიუღიათ.

რეზი ბურჯანაძე