ქუთაისში, პარლამენტის ყოფილი შენობის საშვთა ბიუროს შენობაში, შრომის ინსპექციის სამსახურის რეგიონული ოფისი გაიხსნა.
დაწესებულება ჯანდაცვის მინისტრმა მიხეილ სარჯველაძემ, შრომის ინსპექციის სამსახურის უფროსთან ერთად ოფიციალურად გახსნა.

სარჯველაძემ რეგიონული ოფისების მნიშვნელობაზე გაამახვილა ყურადღება და აღნიშნა, რომ გეოგრაფიული ხელმისაწვდომობის უზრუნველყოფით, ყველა სახის დარღვევაზე დროული რეაგირება და საჭირო ღონისძიებების ეფექტურად გატარება მოხდება.

შრომის ინსპექციის სამსახურის ქუთაისის ფილიალში 20-მდე პირია დასაქმებული. ისინი ადგილობრივებს როგორც შრომის უსაფრთხოების, ისე უფლებების დაცვის მიმართულებით გაუწევენ დახმარებას.

შრომის ინსპექციას ერთი რეგიონული ოფისი აჭარაში აქვს, მეორე, ცენტრალური - თბილისში, მესამე კი - უკვე ქუთაისში.

შენობაში, რომელიც სადაც ახლა შრომის ინსპექციის სამსახურის ფილიალია, 2012 წლიდან, პარლამენტის ყოფილი შენობის საშვთა ბიურო იყო განთავსებული. მას შემდეგ, რაც საკანონმდებლო ორგანო ქუთაისიდან თბილისიდან გადაიტანეს (2019 წლიდან), საშვთა ბიუროს შენობა უფუნქციო და მიტოვებული იყო.

პარლამენტის საშვთა ბიუროს ყოფილი შენობის სარემონტო სამუშაოებისთვის 92 595 ლარი დაიხარჯა.

ამავე თემაზე:

პარლამენტის საშვთა ბიუროს ყოფილი შენობის რემონტისთვის 100 000 ლარამდე დაიხარჯა

ქუთაისში, პარლამენტის საშვთა ბიუროს შენობაში, შრომის ინსპექციის სამსახური განთავსდება