გარემოს ეროვნული სააგენტოს მოკლევადიანი პროგნოზების სამმართველოს უფროსის დოდო გვაზავას ინფორმაციით, 19 აპრილამდე, იმერეთის რეგიონში ცხელი და უნალექო ამინდებია მოსალოდნელი.

მისივე თქმით, ჰაერის მაქსიმალური ტემპერატურა დაბლობ რაიონებში 30-32 გრადუსი დაფიქსირდება, დროგამოშვებით გაძლიერდება დასავლეთის მიმართულების ქარიც.

დოდო გვაზავას განმარტებით, 19-20 აპრილს მოიღრუბლება და აგრილდება, შესაბამისად, ჰაერის ტემპერატურა დაიკლებს. 21 აპრილს კი უმეტესად უნალექო ამინდი შენარჩუნდება.