''ერთიანი ნაციონალური მოძრაობის'' იმერეთის რეგიონალური საბჭოს თავმჯდომარე თემურ ცამციშვილი ქუთაისში მიგრაციაზე საუბრობს.
მისი თქმით, ბოლო 12 წლის მანძილზე ქუთაისის მოსახლეობამ მნიშვნელოვნად იკლო, რაც მისი შეფასებით, არასწორი პოლიტიკის შედეგია. 

ქუთაისისთვის საპარლამენტო ქალაქის სტატუსის ჩამორთმევა, ერთპარტიული მმართველობა და გაზრდილი ფასები - თემურ ცამციშვილის თქმით, სწორედ ეს ფაქტორები განაპირობებენ იმას, რომ ქუთაისელები ასე მასობრივად ტოვებენ ქალაქს. 

''2012 წლიდან დღემდე საქართველო 800 ათასმა ადამიანმა დატოვა, აქედან დიდი წილი მოდის ქუთაისზე. 12 წლის მანძილზე ქუთაისის მოსახლეობა 240 ათასიდან 120 ათასამდე შემცირდა.  დაცარიელდა ქალაქი და მოსახლეობის რაოდენობით მეოთხე ადგილზე გადაინაცვლა. ჩვენ თუ პოლიტიკური ცენტრი ვიქნებოდით, ასეთი სტატისტიკა არ გვექნებოდა,''-ამბობს თემურ ცამციშვილი. 

მისი თქმით, გამოსავალი ხელისუფლების ცვლილებასა და კოალიციურ მთავრობაშია.