გარემოს ეროვნული სააგენტოს მოკლევადიანი პროგნოზების სამმართველოს უფროსის დოდო გვაზავას ინფორმაციით, მიმდინარე კვირას, დასავლეთ საქართველოში, უმეტესად, უნალექო ამინდებია მოსალოდნელი.
მისივე თქმით, დღეს, 11 მარტს, ცაკლეულ რაიონებში შესაძლებელია ხანმოკლე წვიმა, საღამოს - გამოდარება. 12 მარტიდან 14 მარტის ჩათვლით კი უნალექო ამინდებია მოსალოდნელი.

"12-15 მარტის პერიოდში ჰაერის მაქსიმალური ტემპერატურა 20-22 გრადუსი დაფიქსირდება, მოიმატებს ღამის ტემპერატურაც 11-13 გრადუსამდე. 16 მარტიდან ტემპერატურა დაიკლებს და დაბლობ რაიონებში მოსალოდნელია 11-13 გრადუსი სითბო. ამასთან, 13 მარტის საღამოს საათებიდან 14 მარტის დღის პირველ ნახევრამდე მოსალოდნელია აღმოსავლეთის მიმართულების ქარის გაძლიერება",- განმარტავს დოდო გვაზავა.

მისივე ინფორმაციით, 15 მარტის დღის მეორე ნახევრიდან 17 მარტის ჩათვლით მოსალოდნელია წვიმა, მაღალმთაში - თოვლი.